משא מצרים הנה יהוה רכב על עב קל ובא מצרים ונעו אלילי מצרים מפניו ולבב מצרים ימס בקרבו
Türkçe çeviri henüz yok.
וסכסכתי מצרים במצרים ונלחמו איש באחיו ואיש ברעהו עיר בעיר ממלכה בממלכה
Türkçe çeviri henüz yok.
ונבקה רוח מצרים בקרבו ועצתו אבלע ודרשו אל האלילים ואל האטים ואל האבות ואל הידענים
Türkçe çeviri henüz yok.
וסכרתי את מצרים ביד אדנים קשה ומלך עז ימשל בם נאם האדון יהוה צבאות
Türkçe çeviri henüz yok.
ונשתו מים מהים ונהר יחרב ויבש
Türkçe çeviri henüz yok.
והאזניחו נהרות דללו וחרבו יארי מצור קנה וסוף קמלו
Türkçe çeviri henüz yok.
ערות על יאור על פי יאור וכל מזרע יאור ייבש נדף ואיננו
Türkçe çeviri henüz yok.
ואנו הדיגים ואבלו כל משליכי ביאור חכה ופרשי מכמרת על פני מים אמללו
Türkçe çeviri henüz yok.
ובשו עבדי פשתים שריקות וארגים חורי
Türkçe çeviri henüz yok.
והיו שתתיה מדכאים כל עשי שכר אגמי נפש
Türkçe çeviri henüz yok.
אך אולים שרי צען חכמי יעצי פרעה עצה נבערה איך תאמרו אל פרעה בן חכמים אני בן מלכי קדם
Türkçe çeviri henüz yok.
אים אפוא חכמיך ויגידו נא לך וידעו מה יעץ יהוה צבאות על מצרים
Türkçe çeviri henüz yok.
נואלו שרי צען נשאו שרי נף התעו את מצרים פנת שבטיה
Türkçe çeviri henüz yok.
יהוה מסך בקרבה רוח עועים והתעו את מצרים בכל מעשהו כהתעות שכור בקיאו
Türkçe çeviri henüz yok.
ולא יהיה למצרים מעשה אשר יעשה ראש וזנב כפה ואגמון
Türkçe çeviri henüz yok.
ביום ההוא יהיה מצרים כנשים וחרד ופחד מפני תנופת יד יהוה צבאות אשר הוא מניף עליו
Türkçe çeviri henüz yok.
והיתה אדמת יהודה למצרים לחגא כל אשר יזכיר אתה אליו יפחד מפני עצת יהוה צבאות אשר הוא יועץ עליו
Türkçe çeviri henüz yok.
ביום ההוא יהיו חמש ערים בארץ מצרים מדברות שפת כנען ונשבעות ליהוה צבאות עיר ההרס יאמר לאחת
Türkçe çeviri henüz yok.
ביום ההוא יהיה מזבח ליהוה בתוך ארץ מצרים ומצבה אצל גבולה ליהוה
Türkçe çeviri henüz yok.
והיה לאות ולעד ליהוה צבאות בארץ מצרים כי יצעקו אל יהוה מפני לחצים וישלח להם מושיע ורב והצילם
Türkçe çeviri henüz yok.