והאדם ידע את חוה אשתו ותהר ותלד את קין ותאמר קניתי איש את יהוה
Türkçe çeviri henüz yok.
ותסף ללדת את אחיו את הבל ויהי הבל רעה צאן וקין היה עבד אדמה
Türkçe çeviri henüz yok.
ויהי מקץ ימים ויבא קין מפרי האדמה מנחה ליהוה
Türkçe çeviri henüz yok.
והבל הביא גם הוא מבכרות צאנו ומחלבהן וישע יהוה אל הבל ואל מנחתו
Türkçe çeviri henüz yok.
ואל קין ואל מנחתו לא שעה ויחר לקין מאד ויפלו פניו
Türkçe çeviri henüz yok.
ויאמר יהוה אל קין למה חרה לך ולמה נפלו פניך
Türkçe çeviri henüz yok.
הלוא אם תיטיב שאת ואם לא תיטיב לפתח חטאת רבץ ואליך תשוקתו ואתה תמשל בו
Türkçe çeviri henüz yok.
ויאמר קין אל הבל אחיו ויהי בהיותם בשדה ויקם קין אל הבל אחיו ויהרגהו
Türkçe çeviri henüz yok.
ויאמר יהוה אל קין אי הבל אחיך ויאמר לא ידעתי השמר אחי אנכי
Türkçe çeviri henüz yok.
ויאמר מה עשית קול דמי אחיך צעקים אלי מן האדמה
Türkçe çeviri henüz yok.
ועתה ארור אתה מן האדמה אשר פצתה את פיה לקחת את דמי אחיך מידך
Türkçe çeviri henüz yok.
כי תעבד את האדמה לא תסף תת כחה לך נע ונד תהיה בארץ
Türkçe çeviri henüz yok.
ויאמר קין אל יהוה גדול עוני מנשא
Türkçe çeviri henüz yok.
הן גרשת אתי היום מעל פני האדמה ומפניך אסתר והייתי נע ונד בארץ והיה כל מצאי יהרגני
Türkçe çeviri henüz yok.
ויאמר לו יהוה לכן כל הרג קין שבעתים יקם וישם יהוה לקין אות לבלתי הכות אתו כל מצאו
Türkçe çeviri henüz yok.
ויצא קין מלפני יהוה וישב בארץ נוד קדמת עדן
Türkçe çeviri henüz yok.
וידע קין את אשתו ותהר ותלד את חנוך ויהי בנה עיר ויקרא שם העיר כשם בנו חנוך
Türkçe çeviri henüz yok.
ויולד לחנוך את עירד ועירד ילד את מחויאל ומחייאל ילד את מתושאל ומתושאל ילד את למך
Türkçe çeviri henüz yok.
ויקח לו למך שתי נשים שם האחת עדה ושם השנית צלה
Türkçe çeviri henüz yok.
ותלד עדה את יבל הוא היה אבי ישב אהל ומקנה
Türkçe çeviri henüz yok.