ויעל אברם ממצרים הוא ואשתו וכל אשר לו ולוט עמו הנגבה
Türkçe çeviri henüz yok.
ואברם כבד מאד במקנה בכסף ובזהב
Türkçe çeviri henüz yok.
וילך למסעיו מנגב ועד בית אל עד המקום אשר היה שם אהלה [אהלו] בתחלה בין בית אל ובין העי
Türkçe çeviri henüz yok.
אל מקום המזבח אשר עשה שם בראשנה ויקרא שם אברם בשם יהוה
Türkçe çeviri henüz yok.
וגם ללוט ההלך את אברם היה צאן ובקר ואהלים
Türkçe çeviri henüz yok.
ולא נשא אתם הארץ לשבת יחדו כי היה רכושם רב ולא יכלו לשבת יחדו
Türkçe çeviri henüz yok.
ויהי ריב בין רעי מקנה אברם ובין רעי מקנה לוט והכנעני והפרזי אז ישב בארץ
Türkçe çeviri henüz yok.
ויאמר אברם אל לוט אל נא תהי מריבה ביני וביניך ובין רעי ובין רעיך כי אנשים אחים אנחנו
Türkçe çeviri henüz yok.
הלא כל הארץ לפניך הפרד נא מעלי אם השמאל ואימנה ואם הימין ואשמאילה
Türkçe çeviri henüz yok.
ויבחר לו לוט את כל ככר הירדן ויסע לוט מקדם ויפרדו איש מעל אחיו
Türkçe çeviri henüz yok.
אברם ישב בארץ כנען ולוט ישב בערי הככר ויאהל עד סדם
Türkçe çeviri henüz yok.
ואנשי סדם רעים וחטאים ליהוה מאד
Türkçe çeviri henüz yok.
ויהוה אמר אל אברם אחרי הפרד לוט מעמו שא נא עיניך וראה מן המקום אשר אתה שם צפנה ונגבה וקדמה וימה
Türkçe çeviri henüz yok.
כי את כל הארץ אשר אתה ראה לך אתננה ולזרעך עד עולם
Türkçe çeviri henüz yok.
ושמתי את זרעך כעפר הארץ אשר אם יוכל איש למנות את עפר הארץ גם זרעך ימנה
Türkçe çeviri henüz yok.
קום התהלך בארץ לארכה ולרחבה כי לך אתננה
Türkçe çeviri henüz yok.
ויאהל אברם ויבא וישב באלני ממרא אשר בחברון ויבן שם מזבח ליהוה
Türkçe çeviri henüz yok.