דברי קהלת בן־דוד מלך בירושלם
Türkçe çeviri henüz yok.
הבל הבלים אמר קהלת הבל הבלים הכל הבל
Türkçe çeviri henüz yok.
מה־יתרון לאדם בכל־עמלו שיעמל תחת השמש
Türkçe çeviri henüz yok.
דור הלך ודור בא והארץ לעולם עמדת
Türkçe çeviri henüz yok.
וזרח השמש ובא השמש ואל־מקומו שואף זורח הוא שם
Türkçe çeviri henüz yok.
הולך אל־דרום וסובב אל־צפון סובב סבב הולך הרוח ועל־סביבתיו שב הרוח
Türkçe çeviri henüz yok.
כל־הנחלים הלכים אל־הים והים איננו מלא אל־מקום שהנחלים הלכים שם הם שבים ללכת
Türkçe çeviri henüz yok.
כל־הדברים יגעים לא־יוכל איש לדבר לא־תשבע עין לראות ולא־תמלא אזן משמע
Türkçe çeviri henüz yok.
מה־שהיה הוא שיהיה ומה־שנעשה הוא שיעשה ואין כל־חדש תחת השמש
Türkçe çeviri henüz yok.
יש דבר שיאמר ראה־זה חדש הוא כבר היה לעלמים אשר היה מלפננו
Türkçe çeviri henüz yok.
אין זכרון לראשנים וגם לאחרנים שיהיו לא־יהיה להם זכרון עם שיהיו לאחרנה
Türkçe çeviri henüz yok.
אני קהלת הייתי מלך על־ישראל בירושלם
Türkçe çeviri henüz yok.
ונתתי את־לבי לדרוש ולתור בחכמה על כל־אשר נעשה תחת השמים הוא ענין רע נתן אלהים לבני האדם לענות בו
Türkçe çeviri henüz yok.
ראיתי את־כל־המעשים שנעשו תחת השמש והנה הכל הבל ורעות רוח
Türkçe çeviri henüz yok.
מעות לא־יוכל לתקן וחסרון לא־יוכל להמנות
Türkçe çeviri henüz yok.
ואתנה לבי לדעת חכמה ודעת הוללות ושכלות ידעתי שגם־זה הוא רעיון רוח
Türkçe çeviri henüz yok.
כי ברב חכמה רב־כעס ויוסיף דעת יוסיף מכאוב
Türkçe çeviri henüz yok.