1
לדוד אליך יהוה אקרא צורי אל תחרש ממני פן תחשה ממני ונמשלתי עם יורדי בור
Türkçe çeviri henüz yok.
2
שמע קול תחנוני בשועי אליך בנשאי ידי אל דביר קדשך
Türkçe çeviri henüz yok.
3
אל תמשכני עם רשעים ועם פעלי און דברי שלום עם רעיהם ורעה בלבבם
Türkçe çeviri henüz yok.
4
תן להם כפעלם וכרע מעלליהם כמעשה ידיהם תן להם השב גמולם להם
Türkçe çeviri henüz yok.
5
כי לא יבינו אל פעלת יהוה ואל מעשה ידיו יהרסם ולא יבנם
Türkçe çeviri henüz yok.
6
ברוך יהוה כי שמע קול תחנוני
Türkçe çeviri henüz yok.
7
יהוה עזי ומגני בו בטח לבי ונעזרתי ויעלז לבי ומשירי אהודנו
Türkçe çeviri henüz yok.
8
יהוה עז למו ומעוז ישועות משיחו הוא
Türkçe çeviri henüz yok.
9
הושיעה את עמך וברך את נחלתך ורעם ונשאם עד העולם
Türkçe çeviri henüz yok.