יהיה מזה אל הקדש חמש מאות בחמש מאות מרבע סביב וחמשים אמה מגרש לו סביב
Türkçe çeviri henüz yok.
ומן המדה הזאת תמוד ארך חמש [חמשה] ועשרים אלף ורחב עשרת אלפים ובו יהיה המקדש קדש קדשים
Türkçe çeviri henüz yok.
קדש מן הארץ הוא לכהנים משרתי המקדש יהיה הקרבים לשרת את יהוה והיה להם מקום לבתים ומקדש למקדש
Türkçe çeviri henüz yok.
וחמשה ועשרים אלף ארך ועשרת אלפים רחב יהיה [והיה] ללוים משרתי הבית להם לאחזה עשרים לשכת
Türkçe çeviri henüz yok.
ואחזת העיר תתנו חמשת אלפים רחב וארך חמשה ועשרים אלף לעמת תרומת הקדש לכל בית ישראל יהיה
Türkçe çeviri henüz yok.
לארץ יהיה לו לאחזה בישראל ולא יונו עוד נשיאי את עמי והארץ יתנו לבית ישראל לשבטיהם
Türkçe çeviri henüz yok.
מאזני צדק ואיפת צדק ובת צדק יהי לכם
Türkçe çeviri henüz yok.
האיפה והבת תכן אחד יהיה לשאת מעשר החמר הבת ועשירת החמר האיפה אל החמר יהיה מתכנתו
Türkçe çeviri henüz yok.
והשקל עשרים גרה עשרים שקלים חמשה ועשרים שקלים עשרה וחמשה שקל המנה יהיה לכם
Türkçe çeviri henüz yok.
זאת התרומה אשר תרימו ששית האיפה מחמר החטים וששיתם האיפה מחמר השערים
Türkçe çeviri henüz yok.
וחק השמן הבת השמן מעשר הבת מן הכר עשרת הבתים חמר כי עשרת הבתים חמר
Türkçe çeviri henüz yok.
ושה אחת מן הצאן מן המאתים ממשקה ישראל למנחה ולעולה ולשלמים לכפר עליהם נאם אדני יהוה
Türkçe çeviri henüz yok.
כל העם הארץ יהיו אל התרומה הזאת לנשיא בישראל
Türkçe çeviri henüz yok.
כה אמר אדני יהוה בראשון באחד לחדש תקח פר בן בקר תמים וחטאת את המקדש
Türkçe çeviri henüz yok.
ולקח הכהן מדם החטאת ונתן אל מזוזת הבית ואל ארבע פנות העזרה למזבח ועל מזוזת שער החצר הפנימית
Türkçe çeviri henüz yok.
וכן תעשה בשבעה בחדש מאיש שגה ומפתי וכפרתם את הבית
Türkçe çeviri henüz yok.