ויהי בעשתי עשרה שנה באחד לחדש היה דבר יהוה אלי לאמר
Türkçe çeviri henüz yok.
בן אדם יען אשר אמרה צר על ירושלם האח נשברה דלתות העמים נסבה אלי אמלאה החרבה
Türkçe çeviri henüz yok.
לכן כה אמר אדני יהוה הנני עליך צר והעליתי עליך גוים רבים כהעלות הים לגליו
Türkçe çeviri henüz yok.
ושחתו חמות צר והרסו מגדליה וסחיתי עפרה ממנה ונתתי אותה לצחיח סלע
Türkçe çeviri henüz yok.
משטח חרמים תהיה בתוך הים כי אני דברתי נאם אדני יהוה והיתה לבז לגוים
Türkçe çeviri henüz yok.
ובנותיה אשר בשדה בחרב תהרגנה וידעו כי אני יהוה
Türkçe çeviri henüz yok.
בנותיך בשדה בחרב יהרג ונתן עליך דיק ושפך עליך סללה והקים עליך צנה
Türkçe çeviri henüz yok.
ומחי קבלו יתן בחמותיך ומגדלתיך יתץ בחרבותיו
Türkçe çeviri henüz yok.
משפעת סוסיו יכסך אבקם מקול פרש וגלגל ורכב תרעשנה חומותיך בבאו בשעריך כמבואי עיר מבקעה
Türkçe çeviri henüz yok.
בפרסות סוסיו ירמס את כל חוצותיך עמך בחרב יהרג ומצבות עזך לארץ תרד
Türkçe çeviri henüz yok.
ושללו חילך ובזזו רכלתך והרסו חומותיך ובתי חמדתך יתצו ואבניך ועציך ועפרך בתוך מים ישימו
Türkçe çeviri henüz yok.
והשבתי המון שיריך וקול כנוריך לא ישמע עוד
Türkçe çeviri henüz yok.
ונתתיך לצחיח סלע משטח חרמים תהיה לא תבנה עוד כי אני יהוה דברתי נאם אדני יהוה
Türkçe çeviri henüz yok.
כה אמר אדני יהוה לצור הלא מקול מפלתך באנק חלל בהרג הרג בתוכך ירעשו האיים
Türkçe çeviri henüz yok.
עתה יחרדו האין יום מפלתך ונבהלו האיים אשר בים מצאתך
Türkçe çeviri henüz yok.
כי כה אמר אדני יהוה בתתי אתך עיר נחרבת כערים אשר לא נושבו בהעלות עליך את תהום וכסוך המים הרבים
Türkçe çeviri henüz yok.