ויהי מיום שבת הארון בקרית יערים וירבו הימים ויהיו עשרים שנה וינהו כל בית ישראל אחרי יהוה
Türkçe çeviri henüz yok.
ויסירו בני ישראל את הבעלים ואת העשתרת ויעבדו את יהוה לבדו
Türkçe çeviri henüz yok.
ויאמר שמואל קבצו את כל ישראל המצפתה ואתפלל בעדכם אל יהוה
Türkçe çeviri henüz yok.
ויאמרו בני ישראל אל שמואל אל תחרש ממנו מזעק אל יהוה אלהינו וישענו מיד פלשתים
Türkçe çeviri henüz yok.
ויקח שמואל טלה חלב אחד ויעלה [ויעלהו] עולה כליל ליהוה ויזעק שמואל אל יהוה בעד ישראל ויענהו יהוה
Türkçe çeviri henüz yok.
ויצאו אנשי ישראל מן המצפה וירדפו את פלשתים ויכום עד מתחת לבית כר
Türkçe çeviri henüz yok.
ויקח שמואל אבן אחת וישם בין המצפה ובין השן ויקרא את שמה אבן העזר ויאמר עד הנה עזרנו יהוה
Türkçe çeviri henüz yok.
ויכנעו הפלשתים ולא יספו עוד לבוא בגבול ישראל ותהי יד יהוה בפלשתים כל ימי שמואל
Türkçe çeviri henüz yok.
וישפט שמואל את ישראל כל ימי חייו
Türkçe çeviri henüz yok.
והלך מדי שנה בשנה וסבב בית אל והגלגל והמצפה ושפט את ישראל את כל המקומות האלה
Türkçe çeviri henüz yok.
ותשבתו הרמתה כי שם ביתו ושם שפט את ישראל ויבן שם מזבח ליהוה
Türkçe çeviri henüz yok.